by : Ajay Gayakwad
वाशिम
मालेगांव : नियंत्रण कक्ष 112 वाशिमच्या माहितीवरून मालेगाव पोलिसांनी रविवारी उशिरा रात्री 3 वाजता आयशर ट्रकमधून 18 म्हशी कत्तलखान्याकडे नेत असताना जप्त केली आहेत.
रविवारी रात्री उशिरा मालेगाव पोलीस ठाण्याचे पोलीस कांस्टेबल ज्ञानेश्वर सानप हे रात्रीच्या गस्तीवर असताना नियंत्रण कक्ष 112 कडून वाशिम ते अकोला रस्त्यावरील इरळा फाट्यावर कत्तलखान्याकडे जनावरे घेऊन जाणारा ट्रक उभा असल्याची माहिती मिळाली. माहिती मिळताच महिला पोलिस उपनिरीक्षक सारिका नारखेडे यांनी स्टेशन प्रभारी रामकृष्ण महल्ले यांना माहिती दिली. घटनेचे गांभीर्य पाहून त्यांनी तत्काळ पोलिसांचे पथक घटनास्थळी रवाना केले. इरळा फाट्यावर पोहचताच पोलिस पथकाला आयशर ट्रक क्रमांक एम. एच. 12 एल. टी. 1963 उभा दिसला. T. ज्यात ठासून म्हशी बांधून ठेवण्यात आल्या होत्या. ट्रकची पाहणी केली असता ट्रकमध्ये म्हशींना हलण्यासाठी सुद्धा जागा नसल्याचे दिसून आले. ट्रकचालक नूर खान मुस्तफा खान वय 38 वर्ष रा. कळमनुरी जि. हिंगोली व म्हशींचा मालक अशफाक शेख प्यारे वय 35 वर्ष रा. कामठी जि. नागपूर, या दोघांनाही गुरांच्या वाहतुकीबाबतची कागदपत्रे व मालकीहक्काची कागदपत्रे मागितली असता ते दोघेही कोणतीही कागदपत्रे दाखवू शकले नाहीत. जनावरे कत्तलखान्यात नेत असल्याचे त्यांनी सांगितले. ही जनावरे कत्तलीसाठी योग्य असल्याचे पशुवैद्यकीय अधिकाऱ्यांचे प्रमाणपत्रही त्यांच्याकडे आढळून आले नाही. ट्रकमध्ये क्षमतेपेक्षा जास्त जनावरे भरून वाहतूक नियमांचे उल्लंघन केले. अशा स्थितीत त्या गुरांना इजा होण्याचा धोका होता. पोलिसांनी सुमारे 7 लाख किंमतीचा आयशर ट्रक आणि 18 म्हशी अंदाजे किंमत 4 लाख 84 हजार रुपये असा एकूण 11 लाख 84 हजार रुपये किमतीचा मुद्देमाल जप्त केला आहे. मेडशी येथे असलेल्या जनावरांच्या कोंडवाड्यात सर्व म्हशी सुरक्षित ठेवण्यात आल्या आहेत. वरील दोन्ही आरोपींविरुद्ध मालेगाव पोलीस ठाण्यात गुन्हा क्रमांक 328/2023 नोंदवून भादंवि कलम 11 (1), (क), (घ), (ड), (ट) तसेच प्राणी क्रौर्य प्रतिबंधक कायदा 1960 सह मोटार वाहन कायदा 66 / 192 अन्वये गुन्हा दाखल करण्यात आला आहे. सदर प्रकरणाचा तपास प्रभारी ठाणेदार रामक्रिष्ण महल्ले यांचे मार्गदर्शनाखाली महिला पोलिस उपनिरीक्षक सारिका नारखेडे करीत आहेत.
सदरची कार्यवाही जिल्हा पोलिस अधीक्षक बच्चन सिंग, अप्पर पोलिस अधीक्षक भरत तांगडे उपविभागीय पोलिस अधिकारी सुनीलकुमार पुजारी, प्रभारी ठाणेदार रामक्रिष्ण महल्ले यांचे मार्गदर्शनाखाली महिला उपनिरीक्षक सारिका नारखेडे, पोलिस हेडकॉन्स्टेबल गजानन पांचाळ, पोलिस कांस्टेबल गणेश मेटांगले, जयशंकर पाटील, ज्ञानेश्वर सानप, केशव गोडघासे यांनी पार पाडली.
