लोकदर्शन बीड पाटोदा : 👉राहुल खरात
जावे आनंदाच्या गावा I दयावा आनंद आणि आनंदचि घ्यावा ॥
… आज सकाळी सकाळी झाडावर पाखरांची पिलं आणि रस्त्यावर आमच्या शाळेची मुलं किलबीलताना पाहुन ४५ दिवस मनाला सुट्टीमुळे आलेली मरगळ क्षणार्धात चैतन्यात रुपांतरीत झाली …
कारण होते … ” प्रवेशोत्सव ” … !
आज दि 15/6/23 रोजी शाळेत ई 1 लीत प्रवेशित होणाऱ्या चिमुकल्यांची बैलगाडीतून वाजतगाजत मिरवणूक काढण्यात आली.मिरवणूकीमध्ये, गावचे सरपंच,उपसरपंच,ग्रा.प.सदस् , शा.व्य.समिती अध्यक्ष ,उपाध्यक्ष सर्व सदस्य, शिक्षणप्रेमी नागरीक, शाळेचे माजी विद्यार्थी, तरुण वर्ग मोठ्या संख्येने सहभागी झाले होते.
मिरवणुकीनंतर शाळेत नवगतांचे स्वागत गुलाबपुष्प व चॉकलेट देऊन करण्यात आले.
तदनंतर शाळेतील सर्व विद्यार्थ्यांना मान्यवरांच्या हस्ते पुस्तके वाटप करण्यात आले .
एरवी शाळेचे नाव काढताच आईच्या पदराआड दडणारं छकुलं आज मात्र विजयी सैनिका सारख डौलात नव्या सवंगड्यांच्या ताफ्यात सहभागी होत होतं .
अश्या प्रकारे प्रवेशोत्सव मोठया थाटामाटात साजरा केला .. !!!
प्रा. शा. नफरवाडी शाळेमध्ये आता बालक कधीही रडत _ रडत शाळेत येणार नाही कारण त्यांना पहिल्याच दिवशी आनंद संस्कार करून शाळेत आणले आहे .
कार्यक्रमाच्या यशस्वीतेसाठी शाळेचे मुख्याध्यापक श्री.खंडागळे सर,काकडे मॅडम,वावरे मॅडम तसेच शाळेतील सर्व विद्यार्थी यांनी परिश्रम घेतले.
