जनजागृती सेवा समिती ग्रुप सदस्यांचे नविन वर्षातील काव्यमय संकल्पना आकाशवाणी केंद्राच्या अस्मिता वाहीनीवर सादर

लोकदर्शन बदलापूर👉 -गुरुनाथ तिरपणकर

मुंबई-२०२३या इंग्रजी नविन वर्षाचे सर्वच देशवासीयांनी जल्लोषात स्वागत केले.त्याच अनुषंगाने जेष्ठ नागरीकांसाठी काही नविन संकल्प,काव्यमय संकल्पना मंगळवार दि.०३/०१/२०२३रोजी सायंकाळी ६.३५वाजता “अमृतकलश”या विशेष कार्यक्रमात मुंबई आकाशवाणी केंद्राच्या अस्मिता वाहीनीवरुन सादर करण्यात आले.या कार्यक्रमात जनजागृती ग्रुप सदस्या कवियत्री सौ.सुरेखा गावंडे,वृत्तपत्र लेखिका सौ.माधुरी भोईरकर यांनी आपले संकल्प व काव्यमय संकल्पना सादरी केली.तसेच जनजागृती सेवा समितीचे संस्थापक-अध्यक्ष गुरुनाथ तिरपणकर यांनी नविन वर्षातील संकल्प विशद केले व नविन वर्षाच्या शुभेच्छा दिल्या.हा कार्यक्रम प्रसारित करण्यासाठी कार्यक्रम अधिकारी श्री.अनिलकुमार पिंगळे सर व निर्मिती सहाय्यक सौ.हर्षदा प्रभु मॅडम यांचे विशेष सहकार्य लाभले.