लोकदर्शन 👉 मोहन भारती
राजुरा :– इन्फंट जिजस सोसायटी
राजुरा द्वारा संचालित इन्फंट जिजस इंग्लिश हायस्कूल, कल्याण नर्सिंग काँलेज, रामचंद्रराव धोटे महाविद्यालय यांच्या संयुक्त विद्यमाने राजुरा मुक्ती संग्राम दिन उत्साहात साजरा करण्यात आला. यानिमित्त सकाळी ठिक ७.४५ वाजता संस्थेचे संचालक अभिजित धोटे यांच्या हस्ते ध्वजारोहण करण्यात आले. निशिगंधा उरकुडे या विद्यार्थ्यांनीने आपल्या मनोगतातून मराठवाडा व राजुरा मुक्ती संग्राम दिनाची माहिती दिली. तर उपस्थित मान्यवरांनी देखील सर्वांना शुभेच्छा दिल्या. यानिमित्ताने विद्यार्थी, शिक्षकांच्या उपस्थितीत प्रभात फेरी काढण्यात आली.
या प्रसंगी संस्थेचे संचालक अभिजित धोटे, कल्याण नर्सिंग काँलेजचे प्राचार्य संतोष शिंदे, रामचंद्रराव धोटे महाविद्यालयाचे प्राचार्य प्रफुल्ल शेंडे, इन्फंट जिजस इंग्लिश हायस्कूलचे मुख्याध्यापक रफिक अन्सारी, मुख्याध्यापिका सिमरनकौर भंगू, सर्व प्राध्यापक, शिक्षक, शिक्षकेतर कर्मचारी आणि विद्यार्थी उपस्थित होते.
