लोकदर्शन सातारा : 👉 किरण कांबळे
ओबीसींची जातीनिहाय जनगणना, ई. व्ही. एम मशीनद्वारे होत असलेला घोटाळा, महागाई, बेरोजगारी या व अन्य सामाजिक, शेक्षणिक व राजकीय विषयांच्या अनुषंगाने शुक्रवार दि. २० मे रोजी राजवाडा चौपाटी मैदान सातारा येथे सायंकाळी ५ वाजता राष्ट्रीय परिवर्तन मोर्चाचे संयोजक वामन मेश्राम यांच्या अध्यक्षतेखाली जाहीर सभा संपन्न होणार आहे.
या सभेचे उद्घाटक प्रा. सुकुमार कांबळे यांच्या हस्त होणार असून यावेळी उपराकार पद्मश्री लक्ष्मण माने, लोकायत प्रकाशनाचे राकेश साळुंखे, बहुजन मुक्ती पार्टीचे राष्ट्रीय महासचिव राहुल मखरे व बहुजन मुक्ती पार्टीचे प्रदेशाध्यक्ष श्रीकांत होवाळ व अन्य मान्यवर उपस्थित राहणार आहेत.नलोकशाही टिकली तर तिची फळे चाखता येतील अन्यथा लोकशाही नाही टिकली तर विनाश अटळ आहे. सध्या आपल्या देशात सधन लोक ते विकत घेतात. पण मते विकण्याची वस्तू नाही तर आपल्या संरक्षणाची साधनशक्ती आहे. या व विविध विषयांच्या संदर्भाने चर्चा होणार असून बहुजन समाजातील डॉक्टर, इंजिनिअर, प्रोफेसर, विद्यार्थी, शेतकरी, शेतमजूर, महिला, तरुण युवक-युवतींनी मोठ्या संख्येने उपस्थित राहावे असे आवाहन बहुजन मुक्ती पार्टीचे जिल्हाध्यक्ष तुषार मोतलिंग यांनी केले आहे.
