लोकदर्शन 👉 राहुल खरात
आटपाडी ;
शिवाजी विद्यापीठ, कोल्हापूरच्या राष्ट्रीय सेवा योजना विभागाचे संचालक, मा. अभय जायभाये यांनी दिनांक 28 मार्च, 2022 रोजी सायंकाळी पाच वाजता आटपाडी येथील कला व विज्ञान महाविद्यालयाच्या राष्ट्रीय सेवा योजना विभागास सदिच्छा भेट दिली. यावेळी त्यांचे सोबत सरदार माने महाविद्यालय रहमतपुर येथील राष्ट्रीय सेवा योजनेचे कार्यक्रम अधिकारी,
प्रा. शिवाजी चव्हाण व श्रीमंत बाबासाहेब देशमुख महाविद्यालय आटपाडीच्या राष्ट्रीय सेवा योजनेचे कार्यक्रम अधिकारी, प्रा. लोहार सर हे उपस्थित होते. यावेळी महाविद्यालयाचे प्राचार्य, डॉ. विजयकुमार पाटील, राष्ट्रीय सेवा योजनेचे कार्यक्रम अधिकारी, प्रा. नागेश चंदनशिवे व प्रा. भारती देशमुखे यानी या सर्वांचे स्वागत केले. त्यानंतर संचालक, प्रा. अभय जायभाये यांनी सर्वांच्या समवेत राष्ट्रीय सेवा योजनेच्या कार्यालयास भेट देऊन पाहणी केली व सर्व दप्तर तसेच राष्ट्रीय सेवा योजनेचे कार्यालय सुसज्य असल्याचे कौतुक केले.
